बालोद म अजूबा! दो घंटा ले तालाब म डूबे मनखे हर जिंदा निकलिस, कहिस- ‘मैं तो सो गे रेहेंव’

बालोद (गुंडरदेही): छत्तीसगढ़ के बालोद जिला ले एक ठन अइसन हैरान करइया मामला आगू आए हे, जेला सुनके सबो दंग रह गए हें। जे मनखे ला तालाब म डूब के मरा होए मानत रहिन, ओ हर जब पानी ले बाहर निकलिस त कहिस कि ओ हर सो गे रेहिस!

अचेत देखके परिजन अउ पुलिस मान लिहीन मरे, होए लगिस अंतिम संसकार के तैयारी

ये गजब के घटना गुंडरदेही के वार्ड-3, रामसागर तालाब के आए। 29 जून के मंझनिया (दोपहर) ढाई बजे सूरज ठाकुर नाम के एक युवक तालाब म नहाए बर उतरे रेहिस। तालाब तीर कोनो घर के नहावन (दशगात्र) के कारकरम चलत रेहिस, जेकर से बहुत अकन मनखे वहां जमे रहिन। अचानक सूरज पानी म डूब गे अउ लगभग दो घंटा तक तालाब के कतिहा अचेत (बेहोश) पड़े रहिस।

ओकर बदन हर अकर गे रेहिस, जेला देखके जम्मो लोगन मन ओला मरा होए मान लिहीन। पुलिस अउ घरवाले मन ला खबर कर दे गिस। घर म रोना-धोना सुरू हो गे अउ अंतिम संसकार के घलो तैयारी करे जाय लगीस। थान प्रभारी ह घलो मर्ग कायम (पंचनामा) करे बर पुलिस टीम ला मउका म भेज दीस।

पानी ले बाहर निकालिन त उठके बैठ गे सूरज, छाई खुसी के लहर

जब लोगन मन के मदद से ओ युवक ला पानी ले बाहर निकाले गिस, त कुछ बेर बाद ओला होस आ गिस अउ ओ हर अचानक उठके बैठ गे! ओला जिंदा देखके पुलिस अउ अउ जम्मो मनखे मन अंचभित रह गए। सूरज ह बताइस कि ओ हर पानी म गहरी नींद म सो गे रेहिस।

सूरज ला सही-सलामत देखके रोत-बिलखत घरवाले मन के चेहरा म खुसी लौट आईस। ये अजूबा घटना के चरचा अब पूरा इलाका म जोरों से होवत हे।