न्यूजीलैंड के नन्हीं लइका ला रायपुर मा मिलीस नवा मुस्कान, डॉ. स्तुति अग्रवाल ह संवारिस टेढ़े-मेढ़े दांत मन के लकीर
रायपुर। चिकित्सा अउ स्वास्थ्य के क्षेत्र मा छत्तीसगढ़ के राजधानी रायपुर अब दुनिया भर मा अपन पहचान बनावत हे। हाल ही मा समता कॉलोनी के ओम डेंटल हॉस्पिटल मा एक अइसन मामला आगू आईस, जिहां न्यूजीलैंड ले आई एक 9 साल के नोनी के दांत मन के सफल इलाज करे गिस। मानिंद ऑर्थोडॉन्टिस्ट डॉ. स्तुति अग्रवाल (MDS) ह अपन हुनर ले लइका के टेढ़े-मेढ़े दांत मन ला ठीक करके ओला एक नवा मुस्कान अउ आत्मविश्वास लहुटा दीस।
का रहिस असली समस्या? 9 साल के ए नन्हीं मरीज के दूध के दांत समय मा नई टूटत रहिस। एखर से मसूड़ा के भीतर ले आवत नवा दांत मन ला सही जगह नई मिल पावत रहिस अउ ओ मन अपन जगह ले हट के टेढ़े-मेढ़े निकलत रहिस। दांत मन के अइसन बनावट ले नोनी ह बड़ परेशान रहिस, जेखर असर ओखर आत्मविश्वास मा घलो परत रहिस।
विदेशी छोड़ रायपुर ला काबर चुनिन? लइका के घर वाला मन बताइन कि न्यूजीलैंड मा ए दंत सुधार इलाज (Orthodontic Treatment) के खर्चा बहुत ज्यादा हे। संग मा, ओती सर्वसुविधाजनक अस्पताल अउ बड़े डॉक्टर मन ले मिले बर लंबा इंतजार करे ला परथे। अइसन मा ओ मन रायपुर के ओम डेंटल हॉस्पिटल अउ डॉ. स्तुति अग्रवाल ऊपर भरोसा जताइन।
इहां इलाज कराए के बाद ओ मन ला समझ आईस कि रायपुर मा न्यूजीलैंड ले घलो ज्यादा अनुभवी डॉक्टर अउ बढ़िया सुविधा मौजूद हे। डॉक्टर स्तुति के काम ले प्रभावित होके लइका के माता-पिता अउ नानी ह घलो इहां अपन दांत के इलाज कराइन।
बिना पीरा के होइस सफल इलाज डॉ. स्तुति अग्रवाल ह नोनी के दांत मन के गहराई ले जांच करिस अउ इलाज शुरू करिस। डॉक्टर ह बताइन कि ए इलाज मा बिल्कुल घलो पीरा (Pain) नई होइस, जेखर से लइका ला कोनो तकलीफ नई होइस। सही समय मा इलाज होय ले नोनी अब अपन नवा मुस्कान ले बड़ खुश हे। डॉ. स्तुति ह सलाह दीस कि लइका मन के दांत के समस्या ला कभू नजरअंदाज नई करना चाहिए, समय मा डॉक्टर ला दिखाए ले दांत सुंदर बनथे अउ जबड़ा के बनावट घलो सही रहिथे।
