रोजगार के बढ़िया मौका: 820 पद मन म होही भरती, 25 हजार तक मिलही तनखा!
जांजगीर-चांपा।
छत्तीसगढ़ के बेरोजगार नोनी-बबू मन बर रोजगार के एक ठन बढ़िया अउ सुनहरा मौका आवत हे। जांजगीर-चांपा के जिला रोजगार अउ स्वरोजगार मार्गदर्शन केन्द्र डहर ले 17 जुलाई 2026 (शुकवार) के एक दिन के रोजगार मेला के आयोजन करे जात हे।
यह मेला मंझनिया 11 बजे ले संझा 3 बजे तक, शासकीय औद्योगिक प्रशिक्षण संस्थान (आईटीआई), कुलीपोटा, जांजगीर म लगाई जाही।
कउन-कउन पद मन म अउ कतका भरती होही?
यह मेला म प्राइवेट क्षेत्र के बड़े-बड़े कंपनी मन आवत हें, जेमन कुल 820 पद मन म भरती करिहें:
परिश्रम रिसोर्सेज प्रा. लि. (गुरुग्राम): मीटर इंस्टॉलेशन के 200 पद अउ पिकर-पैकर के 500 पद।
एस.आई.एस. सिक्योरिटी सर्विस (जशपुर): सिक्योरिटी गार्ड के 100 पद।
चौतन्य इंडिया फाइनेंस प्रा. लि. (रायगढ़): फील्ड ऑफिसर के 20 पद।
कतका पढ़े-लिखे होना चाही (योग्यता)?
पढ़ाई-लिखाई: फार्म भरे बर कम से कम 10वीं, 12वीं या आईटीआई पास होना जरूरी हे। (मीटर इंस्टॉलेशन बर 10वीं/12वीं के संग आईटीआई होना जरूरी हे)।
उमिर (आयु सीमा): उम्मीदवार मन के उमिर 18 ले 45 साल के बीच होना चाही।
कतका मिलही तनखा: काम म रखे के बाद हर महीना 15,000 ले 25,000 रुपिया तक के वेतन (सैलरी) दिये जाही।
काम करे के जगह: नौकरी लगे के बाद जांजगीर-चांपा अउ पूरा छत्तीसगढ़ म कहूँ भी काम करे बर मिल सकत हे।
का-का कागज (दस्तावेज) लेके जाना हे?
रोजगार मेला म भाग लेवइया मन ला अपन संगे-संग ये सब कागज मन ला लेके जाना जरूरी हे:
जम्मो पढ़ाई-लिखाई के मूल सर्टिफिकेट (Original) अउ ओकर फोटोकॉपी।
जिला रोजगार कार्यालय के रोजगार पंजीयन कार्ड।
आधार कार्ड अउ आन जरूरी दस्तावेज।
रोजगार अधिकारी के बिनती
जिला रोजगार अधिकारी ह सबो योग्य अउ इच्छुक नोनी-बबू मन ले बिनती करे हें कि सही समय अउ तारीख (17 जुलाई, मंझनिया 11 बजे) म अपन जम्मो कागज-पतर लेके कुलीपोटा आईटीआई जरूर पहुँचे। जादा जानकारी बर जिला रोजगार कार्यालय जांजगीर-चांपा म भी संपर्क करे जा सकत हे।
