रेल यात्री मन के बाढ़ही परेशानी: 10 ट्रेन रद्द, 3 शॉर्ट टर्मिनेट, 25 ले 29 जून तक कतको रस्ता प्रभावित
Chhattisgarh Railway News : बिलासपुर: छत्तीसगढ़ म रेल जातरी मन के परेशानी अब अउ बाढ़े बर जावत हे। दक्खिन पूरब मद्धे रेलवे (SECR) के बिलासपुर मंडल म निपनिया-भाटापारा सेक्शन म अंडरब्रिज निरमान काम के तहत रिलीविंग गर्डर डी-लॉन्चिंग के बूता करे जाही। एखर सेती 25 जून ले 29 जून तक कतको ट्रेन मन के चलना-फिरना ह प्रभावित रही। रेलवे प्रसासन ह 10 ट्रेन मन ला रद्द करे के संग म 3 ट्रेन मन ला शॉर्ट टर्मिनेट (रस्ता म ही रोके) के फैसला करे हे।
रेलवे डहर ले मिले जानकारी के मुताबिक, ए निरमान काम के बेरा रायपुर, बिलासपुर, कोरबा, गेवरा रोड अउ इतवारी रूट म आवइ-जावइ करइया जातरी मन ला भारी तकलीफ उठाना पड़ सकत हे। रेलवे ह जातरी मन ला यात्रा सुरु करे के पहिली अपन ट्रेन के सही इसथिति जांच लेय के बिनती करे हे।
रद्द होवइया ट्रेन मन के सूची:
28 जून, 2026 के गाड़ी संखा 68728 रायपुर-बिलासपुर मेमू पैसेंजर रद्द रही।
28 जून, 2026 के गाड़ी संखा 68734 बिलासपुर-गेवरा रोड मेमू पैसेंजर रद्द रही।
28 जून, 2026 के गाड़ी संखा 68733 गेवरा रोड-बिलासपुर मेमू पैसेंजर रद्द रही।
28 जून, 2026 के गाड़ी संखा 68719 बिलासपुर-रायपुर मेमू पैसेंजर रद्द रही।
25 अउ 28 जून 2026 के गाड़ी संखा 68746 रायपुर-गेवरा रोड मेमू पैसेंजर रद्द रही।
26 अउ 29 जून 2026 के गाड़ी संखा 68745 गेवरा रोड-रायपुर मेमू पैसेंजर रद्द रही।
25 अउ 28 जून 2026 के गाड़ी संखा 58205 रायपुर-नेताजी सुभाष चंद्र बोस (इतवारी) पैसेंजर रद्द रही।
26 अउ 29 जून 2026 के गाड़ी संखा 58206 नेताजी सुभाष चंद्र बोस (इतवारी)-रायपुर पैसेंजर रद्द रही।
26 अउ 29 जून 2026 के गाड़ी संखा 58202 रायपुर-बिलासपुर मेमू पैसेंजर रद्द रही।
28 जून 2026 के गाड़ी संखा 58203 कोरबा-रायपुर पैसेंजर रद्द रही।
रस्ता म थमइया (बीच म समाप्त होवइया) ट्रेन मन:
25 अउ 28 जून 2026 के गोंदिया ले चलइया 68861 गोंदिया-झारसुगुड़ा मेमू पैसेंजर बिलासपुर इसटेशन ले सुरु होही अउ गोंदिया-बिलासपुर के रस्ता म रद्द रही।
25 अउ 28 जून 2026 के झारसुगुड़ा ले चलइया 68862 झारसुगुड़ा-गोंदिया मेमू पैसेंजर बिलासपुर म ही खतम हो जाही अउ बिलासपुर-गोंदिया के रस्ता म रद्द रही।
25 जून 2026 के गाड़ी संखा 58203 कोरबा-रायपुर पैसेंजर ला बिलासपुर म ही खतम (समाप्त) कर दे जाही, ए ट्रेन ह बिलासपुर अउ रायपुर के बीच म रद्द रही।
