भाजपा नेता के हत्या के बाद साय सरकार के बड़का कदम! हाईटेक ड्रोन ले होत हे निगरानी, CM कहिन- छोड़े नई जाए रेत माफिया
high tech drone surveillance : रायपुर: अंबिकापुर म रेत कारोबारी मन ह भाजपा नेता अउ ओकर रिस्तेदार मन के हत्या कर दिन। आरोपी मन ह कार समेत जिंदा जरा के मउत के घाट उतार दिन हे। ए बड़ जघन्य घटना के बाद अब छत्तीसगढ़ सरकार जाग गे हे। मुख्यमंत्री विष्णुदेव साय के निर्देश म अवैध रेत खनन अउ भंडारण ऊपर रोक लगाए बर पूरा प्रदेश म लगातार अभियान चला के बड़ कार्रवाई करे जात हे। जीरो टॉलरेंस के नीति के संग खनिज विभाग के मैदानी अमला अवैध काम मन ला रोके बर कड़ा निगरानी रखत हे।
अभियान के तहत केंद्रीय खनिज उड़नदस्ता के संयुक्त टीम ह मिले शिकायत के आधार म 21 जून के रात कुबेर खनन क्षेत्र मन के औचक निरीक्षण करिस। ए दौरान जिला एम.सी.बी. के तहसील केल्हारी के तहत दंडाहस्वाही म केंवाई नदी, पसौरी, कुटरा अउ हसदेव नदी क्षेत्र के सघन जांच म स्वीकृत दो अस्थायी रेत भंडारण स्थल मन के पूरा परीक्षण करे गिस। मौका म जतका रेत रिहिस, ओकर मात्रा के जांच हाईटेक ड्रोन सर्वे के माध्यम ले करे गिस।
निरीक्षण म भंडारण के नियम मन के उल्लंघन मिले ऊपर संबंधित रेत भंडारणकर्ता मन ला कारण बताओ नोटिस जारी करके तीन दिन के भीतर जवाब मांगे गिस हे। मुख्यमंत्री विष्णुदेव साय ह साफ कहि दिन हें कि प्रदेश म अवैध खनन बर कोनो जगह नई हे। खनिज संपदा के नियम के हिसाब से ही दोहन होना चाही। उमन कीन कि अवैध खनन अउ भंडारण म जो घलो शामिल मिलही, ओकर खिलाफ कड़ा कार्रवाई करे जाही।
खनिज सचिव पी. दयानंद ह विभागीय अधिकारी मन ला निर्देश दिन हें कि राज्य के पहुंच-विहीन अउ संवेदनशील इलाका मन म लगातार नजर रखे जाय। एही पाय के अलग-अलग जिला मन म अवैध रेत उत्खनन वाले जगह मन के पहचान करके हाईटेक ड्रोन सर्वे ले निगरानी करे जात हे, जेकर ले अवैध रेत खनन अउ भंडारण ऊपर रोक लगाय जा सके। ए कार्रवाई म केंद्रीय उड़नदस्ता के संयुक्त जांच टीम अउ जिला स्तर के टीम के अधिकारी मन मौजूद रिहिन।
