भारतमाला कॉरिडोर म कार ले चलिहीं गडकरी, अफसर मन म मची हड़कंप
nitin gadkari chhattisgarh visit : रायपुर। केंद्रीय मंत्री नितिन गडकरी के आए के आहट ले अफसर मन म हड़कंप मच गए हे। गडकरी ह भारतमाला प्रोजेक्ट के तहत बनत कॉरिडोर के जायजा लेहे बर आवत हें। ओमन कार म रायपुर ले विशाखापट्टनम जाहिं। ये दौरा एखर बर घलो जरूरी हे काबर कि ये कॉरिडोर ह भ्रष्टाचार के सेती जादा चरचा म हे। मुआवजा के बंदरबांट के खबर घलो दिल्ली तक पहुंचे हे, जेखर जांच ईडी घलो करत हे। कतको गुनहगार जेल म हें त कतको ईडी के राडार म हें।
जुलाई म दौरा के संभावना भारतमाला परियोजना के तहत बनत रायपुर-विशाखापट्टनम आर्थिक कॉरिडोर के निरिक्षण करे बर केंद्रीय सड़क परिवहन अउ राजमार्ग मंत्री नितिन गडकरी ह जल्दी च छत्तीसगढ़ आ सकत हें। ये संभावित दौरा ला देखत हुए राष्ट्रीय राजमार्ग प्राधिकरण (एनएचएआई) अउ ओखर ले जुड़े एजेंसी मन ह तैयारी तेज कर दे हें। संभावना जताए जात हे कि गडकरी ह जुलाई के पहिली हफ्ता म ये बड़े परियोजना के जमीनी स्तर म निरिक्षण करिहीं।
जमीनी जायजा लिहीं गडकरी सूत्र मन के मुताबिक, पहिली ये कॉरिडोर के हवाई सर्वे करे के गोठ चल्लत रहीस, मानों अब केंद्रीय मंत्री ह सड़क के रद्दा ले जाके परियोजना के असली स्थिति ला देखे के इच्छा जताए हें। यदि कार्यक्रम तय हो जाथे, त ओमन रायपुर ले विशाखापट्टनम तक सड़क मार्ग ले जावत-जावत निरमान काम, सड़क के गुणवत्ता, सुरक्षा मानक अउ परियोजना के प्रगति ला खुद अपन आंखी ले देखिहीं।
अफसर मन हें चौकन्ना गडकरी के संभावित दौरा के खबर मिलत च एनएचएआई अउ निरमान एजेंसी मन ह कॉरिडोर के कतको हिस्सा म मरम्मत, साफ-सफाई अउ सौंदर्यीकरण के काम ला तेज कर दे हें। रद्दा म लगे साइन बोर्ड मन ला सुधारत हें, डिवाइडर मन के रंगाई-पुताई करे जात हे अउ सड़क के कति के व्यवस्था ला बढ़िया बनाए के काम जुद्ध स्तर म चल्लत हे। अफसर मन के मानना हे कि केंद्रीय मंत्री के जांच के बखत परियोजना के हर पहलू ला बारीकी ले देखे जा सकत हे।
काबर जरूरी हे ये कॉरिडोर? रायपुर-विशाखापट्टनम आर्थिक कॉरिडोर ह देश के बड़े अउ जरूरी परियोजना म सामिल हे। लगभग 16,482 करोड़ रुपिया के लागत वाली ये योजना के सुरूआत बछर 2020-21 म हुई रहीस। एकर उदेस छत्तीसगढ़, ओडिशा अउ आंध्र प्रदेश के बीच सड़क संपर्क ला मजबूत बनाना अउ सामान के परिवहन ला अउ सुगम बनाना हे। योजना पूरा होय के बाद ये राज्य मन के औद्योगिक अउ व्यावसायिक क्षेत्र मन ला बड़े फायदा मिले के उम्मीद हे।
80 फीसदी काम पूरा परियोजना ले जुड़े अफसर मन के मुताबिक, अभी के बखत म कॉरिडोर के लगभग 80 फीसदी काम पूरा हो चुके हे। बचे हुए काम मन ला घलो तेजी ले पूरा करे के कोसिस करे जात हे ताकि ये कॉरिडोर ह जल्दी ले जल्दी सुरू हो सके। अफसर मन के कहना हे कि निरमान काम अब आखिरी पड़ाव म पहुंचत हे अउ कतको हिस्सा म सड़क ह गाड़ी चले बर तइयार हो चुके हे।
परिवहन होही अउ आसान रायपुर-विशाखापट्टनम आर्थिक कॉरिडोर ला इलाका के विकास बर बहुते जरूरी माने जात हे। एकर सुरू होय ले माल ढुलाई के समय कम होही, परिवहन के खरचा घटही अउ उद्योग मन ला बढ़िया कनेक्टिविटी मिलही। संग च, आदिवासी अउ दुरिहा इलाका मन तक पहुंच आसान होय ले स्थानीय अर्थव्यवस्था ला घलो गती मिले के उम्मीद हे।
