हाईकोर्ट के समर वेकेशन खतम, आज ले होही नियमित सुनवाई
Chhattisgarh High Court : बिलासपुर। छत्तीसगढ़ हाईकोर्ट के गरमी के छुटी (ग्रीष्मकालीन अवकाश) सिरा गे हे। आज यानी सोमवार १५ जून ले हाईकोर्ट के जम्मो तय बेंच मन मा नियमित सुनवाई सुरू हो जाही। हाईकोर्ट प्रसासन हा आज ले सुरू होय वैया हफ्ता के कॉज लिस्ट घलो जारी कर दे हे। नियमित काम-काज सुरू होय के संगे-संग अब थमके हुए मामला मन के सुनवाई फिर ले सुग्घर ढंग ले करे जाही।
हाईकोर्ट प्रसासन डहर ले वर्क फ्रॉम होम (घर ले काम करे) के ब्यवस्था ला घलो खतम कर दे गे हे। अब वकील मन पहिली सही कोर्ट रूम मा खुद हाजिर होके अपन मामला मन के पैरवी करही। हालांकि, वीडियो कॉन्फ्रेंसिंग के सुबिधा पहिली सही चालू राही, जेखर से जरूरत परे मा वर्चुअल माध्यम ले घलो सुनवाई मा सामिल होय जा सकही।
बता दन कि, हाईकोर्ट मा १८ मई ले गरमी के छुटी सुरू होय राहिस। ए बीच जरूरी मामला मन के सुनवाई बर वेकेशन बेंच बनाए गे राहिस, जेकर से हर हफ्ता डिवीजन बेंच अउ सिंगल बेंच मा तय दिन मन मा सुनवाई चलत राहिस।
