रायपुर म कल RCB अउ KKR के महामुकाबला: 13 साल बाद शहीद वीर नारायण सिंह स्टेडियम म कदम रखही कोलकाता
Raipur Cricket : रायपुर। आईपीएल 2026 के रोमांच रायपुर के शहीद वीर नारायण सिंह अंतरराष्ट्रीय क्रिकेट स्टेडियम म छाय हे। डिफेंडिंग चैंपियन रॉयल चैलेंजर्स बेंगलुरु (RCB) ह ए मैदान ल अपन दूसरा होम ग्राउंड बनाए हे। बीते रविवार के मैच म मुंबई इंडियंस ल हराए के बाद अब 13 मई के RCB अउ कोलकाता नाइट राइडर्स (KKR) के बीच जबरदस्त टक्कर होही। बता दन कि KKR के टीम पूरे 13 साल बाद रायपुर म कोई मैच खेलही।
2013 के याद: जब दिल्ली ले मिलीस रहीस हार KKR ह आखिरी बार 1 मई 2013 के रायपुर म दिल्ली डेयरडेविल्स के खिलाफ मैच खेलीस रहीस। ओ बखत गौतम गंभीर कप्तान रहीन अउ दिल्ली ह कोलकाता ल 7 विकेट ले हरा दे रहीस। तब ले अब तक टीम पूरी तरह बदल गे हे।
बदल गे कमान: गंभीर के जगह अब रहाणे 13 साल पहिली जहाँ गौतम गंभीर टीम के कप्तान रहीन, ओमन अब टीम इंडिया के हेड कोच बन गे हें। ए बार कोलकाता के कमान अनुभवी अजिंक्य रहाणे के हाथ म हे।
सिर्फ सुनील नरेन ह हे पुराना सिपाही 2013 अउ 2026 के टीम के तुलना करबो त एक बड़े बदलाव दिखे बर मिलही। सुनील नरेन अईसन इकलौता खिलाड़ी हे जेकर नाम 2013 के मैच म घलो रहीस अउ ओ कल घलो मैदान म उतरही। जैक कैलिस, ब्रेट ली अउ यूसुफ पठान जइसन दिग्गज अब सन्यास ले चुके हें, अउ ओ मन के जगह अब रिंकू सिंह अउ कैमरुन ग्रीन जइसन युवा सितारा मन टीम म हें।
