राशन कार्डधारी मन बर राहत: अब 15 मई तक मिलही 3 महिना के चाउर, समय सीमा बढ़िस
रायपुर। छत्तीसगढ़ के राशन कार्डधारी मन बर एक ठन बड़े खबर हे। सरकार ह तीन महिना के एकमुश्त राशन (चाउर) बांटे के आखिरी तारीख ल बढ़ा दी हे। अब अप्रैल, मई अऊ जून 2026 के राशन मनखे मन 15 मई तक ले सकथें। खाद्य विभाग ह एकर बर ओर्डर घलो जारी कर दी हे।
काबर बढ़िस तारीख?
अतका दिन ले जऊन मनखे मन कोनो कारण ले अपन हिस्सा के चाउर नइ ले पाय रिहिन, ओ मन ल अब घबराय के जरूरत नइ हे। ओ मन अब बढ़े हुए समय म अपन नजदीकी उचित मूल्य दुकान (कंट्रोल दुकान) म जाके राशन ले सकथें।
अधिकारी मन ल सख्खत निर्देश
खाद्य विभाग ह जम्मो जिला के कलेक्टर अऊ दुकान संचालक मन ल बोल दी हे कि समय रहते जम्मो पात्र मनखे मन ल राशन मिल जाना चाहिये। कोनो भी हितग्राही सरकार के ये योजना ले वंचित झन होवय, एकर पूरा धियान रखे बर कहे गे हे।
अपील: खाद्य विभाग ह जम्मो कार्डधारी मन ले बिनती करे हे कि आखिरी तारीख के अगोरा झन करव अऊ जल्दी जाके अपन राशन ले लव।
