ICICI बैंक मा 1.38 करोड़ के बड़का ठगी, पति के संग मिलके ग्राहक मन के सोना लेके फुर्र होगे डिप्टी मैनेजर
ICICI Bank Fraud Bilaspur : बिलासपुर। छत्तीसगढ़ के बिलासपुर जिला ले एक बड़े ठगी के मामला आगू आई हे। मंगला स्थित आईसीआईसीआई (ICICI) बैंक मा डिप्टी ब्रांच मैनेजर ह अपन पति के संग मिलके 1.38 करोड़ रूपिया के हेराफेरी कर दीस अऊ मनखे मन के सोना-चांदी लेके फरार हो गे हे।
मिले जानकारी के मुताबिक, जब बैंक प्रबंधन ह दस्तावेज अऊ लॉकर मन के जांच करीस, त पता चलीस कि गोल्ड लोन के पाउच मा असली सोना के जगह नकली गहना रखे गे हे। ए आरोपी मन ह ग्राहक मन के एफडी (FD) अऊ निवेश मा घलो सेंध मारी हें। फर्जी दस्तखत करके 87.95 लाख रूपिया के 14 ट्रांजेक्शन करे गे हे। एक ठन मामला मा त एक महिला के 30 लाख के एफडी ले बिना पूछे 28.29 लाख रूपिया निकाल ले गे हे।
बताय जावत हे कि आरोपी महिला अधिकारी ह ग्राहक मन के घर जाके बैंकिंग सेवा देके बहाना बनावय अऊ ओ मन के मोबाइल ले ऐप के एक्सेस लेके ठगी करय। ए मन ह अगस्त 2024 ले सितंबर 2025 के बीच मा कुल 1.38 करोड़ के गबन करे हें। बैंक मैनेजर के शिकायत मा सिविल लाइन थाना पुलिस ह धोखाधड़ी के केस दर्ज कर ली हे अऊ फरार आरोपी मन के खोजबीन जारी हे।
