CGBSE Result 2026: मुख्यमंत्री साय ह जारी करत 10वीं-12वीं के रिजल्ट, देखव कतका आइस नतीजा

CGBSE Result 2026 : रायपुर। छत्तीसगढ़ माध्यमिक शिक्षा मंडल (CGBSE) के 10वीं अउ 12वीं परीक्षा के रिजल्ट बर लइका मन के इंजतार आज खतम हो गे हे। मुख्यमंत्री विष्णु देव साय ह बोर्ड परीक्षा के परिणाम घोषित कर दे हें। जेमन परीक्षा देय रहीन, ओ मन अब आधिकारिक वेबसाइट cgbse.nic.in अउ results.cg.nic.in म जाके अपन रिजल्ट देख सकत हें।

बता दन कि ये साल परीक्षा 20 अउ 21 फरवरी ले शुरू होय रहीस, जौन ह 18 मार्च तक चलीस। पहिली बोर्ड ह 15 अप्रैल तक रिजल्ट निकाले के तैयारी करे रहीस, लेकिन 12वीं हिंदी के पेपर लीक होय के सेती 10 अप्रैल के दोबारा परीक्षा लेहे बर पड़ीस, जेखर वजह ले रिजल्ट म थोरकिन देरी होईस।

लाखों लइका मन के भविष्य के फैसला

हाई स्कूल (10वीं) के परीक्षा म कुल 3,20,535 छात्र शामिल होईस, जेम 1,42,881 लइका अउ 1,77,654 लइकी मन रहीन। एखर बर प्रदेश भर म 2,510 परीक्षा केंद्र बनाये गे रहीस। ओही च हायर सेकेंडरी (12वीं) म कुल 2,45,785 छात्र शामिल होईस, जेम 1,02,975 लइका अउ 1,42,810 लइकी मन रहीन।

अइसने देखव अपन रिजल्ट

लइका मन ये आसान तरीका ले अपन मार्कशीट देख सकत हें:

• सबले पहिली वेबसाइट cgbse.nic.in या results.cg.nic.in म जाव।

• होमपेज म जाके 10th या 12th Result 2026 के लिंक म क्लिक करव।

• अपन रोल नंबर अउ कैप्चा कोड भरव।

• मार्कशीट स्क्रीन म दिखही, ओला डाउनलोड कर लव अउ प्रिंट निकाल लव।

SMS ले घलो देख सकत हव रिजल्ट: अगर नेट नइ चलत हे त CG10 या CG12 लिख के अपन रोल नंबर टाइप करव अउ 56263 म भेज देव।