छत्तीसगढ़ मा मई-जून मा होही नगरीय निकाय अउ पंचायत उपचुनाव, 1285 पद बर डारे जाही वोट
रायपुर। छत्तीसगढ़ मा मई-जून के महीना मा स्थानीय निकाय अउ त्रिस्तरीय पंचायत मन के खाली पद बर उपचुनाव अउ आम चुनाव हो सकत हे। एखर तैयारी ला लेके आज नवा रायपुर मा राज्य निर्वाचन आयोग के बड़े बइठक होय हे। ए बइठक के अध्यक्षता राज्य निर्वाचन आयुक्त अजय सिंह ह करिन।
राज्य निर्वाचन आयुक्त अजय सिंह ह बताइन कि नगर पालिका मन के कुल 83 पद (6 अध्यक्ष अउ 77 पार्षद) अउ त्रिस्तरीय पंचायत मन के कुल 1202 पद (10 जनपद सदस्य, 82 सरपंच अउ 1110 पंच) बर मई-जून 2026 मा वोट डारे जाही। एखर बर मतदाता सूची सुधारे के काम शुरू हो गे हे, जेखर अंतिम प्रकाशन 5 मई 2026 के करे जाही। ओखर बाद चुनाव के तारीख मन के घोसना करे जाही।
बइठक मा निर्वाचन आयुक्त ह सामान्य प्रशासन विभाग ला चुनाव बर जरूरी अधिकारी-करमचारी मन के व्यवस्था करे अउ वोटिंग के दिन छुट्टी देय बर निर्देश दीन। बइठक मा निर्वाचन आयोग के सचिव शिखा राजपूत तिवारी, अविनाश चंपावत, बसवराजू एस, अउ पंचायत संचालक प्रियंका महोबिया समेत अऊ घलो अधिकारी मन सामिल रहिन।
