राजनांदगांव में पारा 43 के पार, कई जिला मन बर ‘लू’ के अलर्ट जारी

Chhattisgarh Weather Update : छत्तीसगढ़ में अब घाम के तात बढ़ गे हावे। प्रदेश के मौसम ला एंटी साइक्लोन ह भारी प्रभावित करत हे, जेखर से बीते 24 घंटा में तापमान ह करीब 3 डिग्री तक चढ़ गे हे। अब पारा 44 डिग्री के तीर पहुंचत दिखत हे। आने वाला दिन में अउ घाम बढ़े के संभावना जताय गे हे। बुधवार के राजनांदगांव में सबले जादा गर्मी रिस, इहां पारा 43 डिग्री तक पहुंच गे रिहिस।

मौसम विभाग के मुताबिक, पिछला 24 घंटा में राजनांदगांव सबले तात रिहिस, जबकि अंबिकापुर में सबले कम 19 डिग्री तापमान दर्ज करे गे हे। गुरुवार के घलो मौसम सुखा रही अउ एक-दू जगह में ‘लू’ (हीटवेव) चले के आशंका हे।

मौसम विशेषज्ञ मन के कहना हे कि कर्नाटक अउ महाराष्ट्र के ऊपर बने प्रति चक्रवात के सेती अधिकतम तापमान में लगातार बढ़ोत्तरी होवत हे। अगले दो दिन में मध्य छत्तीसगढ़ के इलाका मन में पारा 2 ले 3 डिग्री तक अउ बढ़ सकत हे, जेखर से कई जगह लू कस स्थिति बन जाही।

राजधानी रायपुर के हाल रायपुर में आज अगास साफ रही, जेखर से घाम अउ जादा परेशान कर सकत हे। इहां के तापमान 42 डिग्री के आसपास रहे के अनुमान हे।

कहाँ कतका रिस तापमान (डिग्री सेल्सियस):

• राजनांदगांव: 43°C

• धमतरी: 42.9°C

• दुर्ग: 41.9°C

• बिलासपुर: 41.9°C

• रायपुर: 41.7°C

• बस्तर: 39.3°C

• सरगुजा: 39.1°C