छत्तीसगढ़ जल संसाधन विभाग मा फेरबदल, शंकर ठाकुर बने प्रमुख अभियंता, देखव कउन ला कहां मिलीस नवा जिम्मेदारी
CG Transfer News : रायपुर। छत्तीसगढ़ सरकार के जल संसाधन विभाग मा एक बड़े प्रशासनिक फेरबदल करे गे हे। सासन डहार ले जारी नवा आदेश मा विभाग के बड़े अधिकारी मन के जिम्मेदारी मा बदलाव करे गे हे। ये आदेश के मुताबिक, अब शंकर ठाकुर (मुख्य अभियंता, सिविल) ला अस्थायी रूप ले जल संसाधन विभाग के नवा प्रमुख अभियंता (E-in-C) बनाए गे हे।
सासन ह शंकर ठाकुर के संग-संग 6 अऊ मुख्य अभियंता मन के नवा पदस्थापना करे हे। मक्सी कुजूर ला महानदी परियोजना रायपुर के मुख्य अभियंता बनाए गे हे, त शंकर राव सोने ला मिनीमाता (हसदेव) बांगो परियोजना बिलासपुर के जिम्मेदारी सउंपे गे हे। ओसने जितेन्द्र कुमार नेताम ला हसदेव कछार बिलासपुर अऊ अलेक्जेंडर ग्राहम ला गोदावरी कछार जगदलपुर के मुख्य अभियंता पदस्थ करे गे हे।
एकर अलावा अनिल कुमार खलको ला अंबिकापुर (हसदेव गंगा कछार) अऊ सतीश कुमार टीकम ला रायपुर (महानदी-गोदावरी कछार) मा मुख्य अभियंता के रूप मा नवा पोस्टिंग दे गे हे। विभाग मा एतका बड़े लेवल मा बदलाव होय ले अब काम-काज मा तेजी आय के उम्मेद जताय जात हे।
