ई-ऑफिस प्रणाली होही अऊ सरल: अब सरकारी कागजात के प्रतिलिपि में दस्तखत के जरूरत नई होय
e Office System : रायपुर। छत्तीसगढ़ सरकार ह ई-ऑफिस प्रणाली ला अऊ जादा सरल अऊ पारदर्शी बनाए बर एक बड़े फैसला करे हे। नवा व्यवस्था के तहत अब सरकारी चिठ्ठी-पतरी, कार्यालयीन ज्ञापन अऊ आदेश मन में सिर्फ मूल प्रति (ओरिजनल कॉपी) में ही बड़े अधिकारी मन के दस्तखत होही।
जारी आदेश में ये साफ कहि दे गे हे कि अब प्रतिलिपि (एंडोर्समेंट) में दस्तखत करे के जरूरत ल खत्म कर दे गे हे। सरकार के मानना हे कि ए कदम ले सरकारी कामकाज में फालतू के देरी नई होही अऊ काम-काज में तेजी आही। ए फैसला ले प्रशासनिक दच्छता में सुधार होही अऊ ई-ऑफिस प्रणाली अऊ जादा बढ़िया ढंग ले काम कर सकिही। शासन ह सबो विभाग अऊ दफ्तर मन ला ए नवा नियम के कड़ाई ले पालन करे के निर्देश दे हे।
