राजधानी म डबल मर्डर ले सनसनी: बर्खास्त सिपाही ह कुल्हाड़ी ले मार के पत्नी अउ सौतेली बेटी के करिस हत्या, फेर खुद थाना जाके कर दिस सरेंडर
raipur double murder : रायपुर। राजधानी रायपुर म आज एक अइसन घटना होइस जेखर ले पूरा इलाका म हड़कंप मच गे हे। विधानसभा थाना क्षेत्र के सेमरिया गांव म एक बर्खास्त सिपाही ह अपन ही पत्नी अउ सौतेली बेटी के कुल्हाड़ी म मार के बेरहमी ले हत्या कर दिस।
पारिवारिक विवाद अउ चरित्र शंका बनीस कारण मिले जानकारी के मुताबिक, आरोपी गुलाब साहू ह आज बिहनिया करीब 7 बजे ए खूनी खेल खेलिस। बताय जात हे कि गुलाब साहू अउ लता साहू के बिहाव करीब चार साल पहले होय रिहिस, ये दूनों के दूसरी शादी रिहिस। चित्रा (22 साल) लता के पहिली घर के बेटी रिहिस।
गुलाब साहू ह अपन सौतेली बेटी चित्रा के कोनो जुवान लइका करा आना-जाना ले नाराज रहय। ए बात ला लेके घर म आए दिन कचाकच (विवाद) होत रहय। जब घलो गुलाब ह बेटी ला डांटय, त ओखर मां लता अपन बेटी के बचाव करय।
बीच-बचाव करे म पत्नी ला घलो मार डालीस आज बिहनिया फेर गुलाब अउ बेटी चित्रा के बीच कोनो बात ला लेके झगरा होइस। गुस्सा म आके गुलाब ह कुल्हाड़ी निकालिस अउ चित्रा ऊपर ताबड़तोड़ वार कर दिस। जब मां लता ह अपन बेटी ला बचाय बर बीच म आईस, त आरोपी ह ओला घलो मौत के घाट उतार दीस।
थाना जाके खुद बताइस जुर्म ए घटना ला अंजाम दे के बाद आरोपी गुलाब साहू ह भागे के बजाय सीधा विधानसभा थाना पहुंच गे अउ पुलिस के आगू सरेंडर कर दिस। पुलिस ह तुंरत मौका-ए-वारदात म पहुंच के दूनों लाश मन ला अपन कब्जा म लीस अउ पोस्टमार्टम बर भेज दिस। अभी पुलिस ह आरोपी ला हिरासत म लेके पूछताछ करत हे अउ मामला के जांच म जुटे हे।
