छत्तीसगढ़ में प्रशासनिक फेरबदल: रजत बंसल ला सीएम सचिवालय में बड़े जिम्मेदारी, रवि मित्तल जाही पीएमओ
IAS Transfer : रायपुर, 26 मार्च 2026/ छत्तीसगढ़ सरकार ह प्रशासनिक स्तर मं बड़े फेरबदल करे हे। साल 2012 बैच के आईएएस अधिकारी रजत बंसल ला मुख्यमंत्री सचिवालय मं विशेष सचिव बनाए गे हे, संगे-संग उमन ला जनसंपर्क आयुक्त के घलो जिम्मेदारी सउंपे गे हे। दूसरी डाहर, 2016 बैच के आईएएस रवि मित्तल ला दिल्ली स्थित प्रधानमंत्री कार्यालय (PMO) मं उप सचिव पद बर रिलीव कर दे गे हे। सामान्य प्रशासन विभाग ह एखर आदेश जारी कर दे हे।
नवा आदेश के मुताबिक, रजत बंसल ह अब मुख्यमंत्री सचिवालय मं अपन सेवा देही। उमन ला आयुक्त जनसंपर्क, सीईओ ‘संवाद’, संचालक भौमिकी अऊ खनिकर्म अउ छत्तीसगढ़ राज्य खनिज विकास निगम (CSMDC) के प्रबंध संचालक के अतिरिक्त प्रभार घलो सउंपे गे हे।
उहें, रवि मित्तल ला केंद्र सरकार के प्रतिनियुक्ति मं भेजे बर 31 मार्च 2026 के मंझनिया ले कार्यमुक्त (Relieve) कर दे जाही। उमन ला 4 साल बर पीएमओ मं पदस्थ करे गे हे।
