मुकेश अंबानी के Jio ह करदिस कमाल, देखत रहगे Airtel अउ Vi, जानव का हे मामला
Reliance Jio : भारतीय टेलीकॉम बाजार म मुकेश अंबानी के कंपनी Reliance Jio के जलवा अभी घलो बरकरार हे। TRAI (टेलीकॉम रेगुलेटरी अथॉरिटी ऑफ इंडिया) के नवा रिपोर्ट के मुताबिक, जनवरी 2026 म जियो ह नवा ग्राहक मन ला जोड़े म सबले आगू रिहिस हे। रिपोर्ट म बताए गे हे कि जियो ह ए महीना म लगभग 16 लाख (1.6 मिलियन) नवा यूजर मन ला अपन नेटवर्क ले जोड़े हे। उही डहार, एयरटेल ह 12 लाख अउ सरकारी कंपनी BSNL ह 4 लाख नवा ग्राहक बनाए म सफल रिहिन।
फेरा वोडाफोन-आइडिया (Vi) बर खबर बने नई हे, कंपनी ह जनवरी म लगभग 7 लाख यूजर मन ला गंवा दे हे। जेएम फाइनेंशियल के रिपोर्ट के अनुसार, जियो के ए बढ़त के पीछे ‘JioAirFiber’ के बड़का हाथ हे, जेकर सेती कंपनी ह घर-घर ब्रॉडबैंड पहुंचाए म घलो आगू निकल गे हे। जियो ह होम ब्रॉडबैंड सेगमेंट म करीब 7.8 लाख नवा ग्राहक जोड़े हे।
जियो नंबर 1, एयरटेल दूसरा अउ Vi तीसरा नंबर म देश म मोबाइल यूजर मन के संख्या ला देखबे त जियो ह 50.35 करोड़ यूजर के संग पहली नंबर म हे। 38.49 करोड़ यूजर के संग एयरटेल दूसरा नंबर म अउ वोडाफोन-आइडिया 12.89 करोड़ यूजर के संग तीसरा नंबर म बने हुए हे।
रिपोर्ट म ये घलो बताए गे हे कि वोडाफोन-आइडिया ह 5G सेवा शुरू करे के बाद घलो नवा ग्राहक मन ला जोड़े म नाकाम साबित होवत हे। कंपनी ला अपन बिजनेस म सुधार करे बर नवा यूजर मन के जरूरत हे। उही डहार, BSNL ह कभू-कभू नवा ग्राहक जोड़ लेथे, फेर जियो अउ एयरटेल हर महीना अपन नेटवर्क ला अउ मजबूत करत जावत हें।
