हिंदू नववर्ष 2026 : विक्रम संवत 2083 के आगाज, सुख-समृद्धि बर आज घर लाव ये 5 सुभ चीज
Hindu New Year 2026 : आज 19 मार्च 2026 ले हिंदू नववर्ष यानी विक्रम संवत 2083 के बड़े उछाव के संग सुरुवात होवत हे। चैत्र शुक्ल प्रतिपदा के ये पावन तिथि ह सिर्फ नवा साल के सुरुवात नोहे, बल्कि आजे ले शक्ति के पूजा के परब ‘चैत्र नवरात्रि’ घलो सुरु होवत हे। धरम-करम के मान्यता के मुताबिक, नव संवत्सर के पहिली दिन कुछ खास अउ मंगलकारी चीज मन ला घर लाना बहुत सुभ माने जाथे। कहे जाथे कि ये चीज मन के आए ले घर के नकारात्मक ऊर्जा सिरा जाथे अउ बछर भर मां लक्ष्मी के किरपा बने रहिथे।
आउ जानबो कि वो कौन से 5 खास चीज हें, जेला आज घर लाना आप मन के भाग ला जगा सकथे:
1. चांदी के सिक्का या सुभ समान
हिंदू धरम म चांदी ला चंदा मामा अउ शांति के प्रतीक माने जाथे। नववर्ष के पहिली दिन चांदी के सिक्का, खास करके जेमा लक्ष्मी-गणेश बने होवय, घर लाना आर्थिक संपन्नता के संकेत आय। एखर ले तिजोरी भरे रहिथे अउ घर म सुख-शांति आथे।
2. तुलसी के नवा पौधा
तुलसी ला साक्षात लक्ष्मी के रूप माने गे हे। अगर आप मन के घर म तुलसी के पौधा नइ हे या पुराना वाला सुखा गे हे, त आज नवा पौधा लगाना सबले बढ़िया हे। ये घर के वातावरण ला सुध करथे अउ वास्तु दोष ला दूर करके सकारात्मक ऊर्जा भरथे।
3. पीतल या तांबा के बरतन
धातु विज्ञान अउ आयुर्वेद म पीतल अउ तांबा ला बहुत पवित्र माने गे हे। आज के दिन ये धातु मन के नवा बरतन या पूजा के समान खरीदना सेहत अउ तरक्की बर सुभ हे। पूजा-पाठ म एखर उपयोग करे ले देवी-देवता जल्दी परसन्न होथें।
4. भाग जगाय बर ‘धातु के कछुआ’
वास्तु शास्त्र के मुताबिक, कछुआ ह भगवान विष्णु के ‘कूर्म अवतार’ के रूप आय। नववर्ष के सुभ मउका म चांदी, पीतल या तांबा के छोटा कछुआ घर लाके ओला उत्तर दिशा म रखना उन्नति के रद्दा खोलथे। ये घर म स्थिरता अउ सुभ भाग लेके आथे।
5. कमल के फूल अउ मां लक्ष्मी के फोटो
मां लक्ष्मी ला कमल के फूल बहुत पियारे हे। आज के दिन ताजा कमल के फूल या कमल म बइठे मां लक्ष्मी के नवा फोटो घर लाके अस्थापित करना धन-दउलत म बाढ़त करथे। एखर संग म घर म नवा अनाज (चावल या गेहूं) लाना घलो बछर भर अन्न के भंडार भरे रहे के निसानी आय।
