बजट उपर पूर्व सीएम भूपेश बघेल के बड़े बयान; कहिन- अज्ञान अउ दुर्गति बिनास के बजट, किसान, मनखे अउ जवान मन ल कुछु नई मिलिस

Chhattisgarh Budget 2026 : रायपुर। छत्तीसगढ़ के बित्त मंत्री ओपी चौधरी ह आज बिधानसभा म बछर 2026-27 बर ‘ससंकल्प’ (SANKALP) थीम म 1 लाख 72 हजार करोड़ रूपया के बजट पेस करिन। ए बजट ल लेके बिपक्ष के नेता मन सरकार उपर हमला बोलत हें। उहें, पूर्व मुख्यमंत्री भूपेश बघेल ह बजट ल लेके कहिन कि ये अज्ञान अउ दुर्गति बिनास के बजट आय।

भूपेश बघेल ह कहिन कि ए बजट म किसान, महिला अउ जवान मन बर कुछु नई ये। दू घंटा तक सिरिफ सब्द मन के जाल बुने गिस। मैं घलो पांच बछर तक बजट पेस करे हंव, एक-एक सड़क अउ चौक-चौराह के नाम गिनाय जावत रिहिस। धान खरीदी के नाम म धोखा होय हे। किसान मन के रकबा बाढ़े हे, पैदावार घलो बाढ़े हे, पर खरीदी कम होय हे। बजट म कुछु नई ये, सिरिफ सब्द मन के खेल खेले गिस हे। मंत्री मन के बोले बर कुछु नई ये, सरकार ह परंपरा मन ल तोड़त हे।

आगे बघेल ह कहिन कि हमर समे के घोषणा मन ल बार-बार पढ़े जावत हे। रेलवे ट्रैक सिरिफ इहाँ के खनिज ल लूटे बर बनाय जावत हे। ये सरकार के तीसरा बजट आय, पर मोदी के गारंटी के कोनो जिक्र नई ये। बघेल ह सवाल करिन कि का आज एक लाख बीस हजार म घर बन सकत हे? जे ह घर बनाय हे, ओ ह साहूकार के करजा म दब गे हे।