बजट 2026 : निर्मला सीतारमण के बजट भाषण शुरू, बोलिन- देश ल मिलिस 7% के ग्रोथ रेट
नई दिल्ली। वित्त मंत्री निर्मला सीतारमण ह आज वित्त वर्ष 2026-27 के बजट पेश कर दहन। सुबह 11 बजे ले निर्मला सीतारमण ह लगातार 9वीं बार बजट पढ़त हें। बजट पेश करे के पहिली पीएम नरेंद्र मोदी के अध्यक्षता म कैबिनेट के बैठक होइस, जेमा बजट ल मंजूरी दे गीस।
बजट भाषण के शुरुआत म सीतारमण ह कहिन कि हमन मनखे मन के ‘यूनिवर्सल सर्विस’ ऊपर धियान दे हन, जेकर ले देश ल 7% के ग्रोथ रेट हासिल करे म मदद मिलिस हे। हमन ‘विकसित भारत’ के सपना ल पूरा करे बर लगातार काम करत रहिबो। वित्त मंत्री ह स्पीकर ल संबोधित करत कहिन कि गुरु रविदास जयंती के पावन मौका म मैं ए बजट ल पेश करत हंव। 12 साल पहिली जब हमन सरकार सम्हालिन, तब ले अब तक देश के आर्थिक हालत बहुत सुधर गे हे।
बजट पेश करे के पहिली वित्त मंत्री ह राष्ट्रपति भवन जाके राष्ट्रपति द्रौपदी मुर्मू ले भेंट करिन। राष्ट्रपति ह सीतारमण ल दही-चीनी खवा के बजट पेश करे के आशीर्वाद अउ अनुमति दीन। ए बार वित्त मंत्री ह तमिलनाडु के हाथ ले बुने मेजेंटा रंग के ‘कांजीवरम सिल्क साड़ी’ पहिरे हें, जो ओखर गृह राज्य के संस्कृति ल देखावत हे।
