हत्यारा प्रेमी : प्रेमी ह शादीशुदा प्रेमिका के गला घोंटिस, फेर पत्थर ले कुचल के मार डारिस
बालोद, 27 जनवरी 2026/ बालोद जिला के जंगल म एक शादीशुदा महिला के हत्या के मामला म पुलिस ह आरोपी ल गिरफ्तार कर ले हे। महिला के हत्या कोनो अउ नई, बल्कि ओखर प्रेमी ह करे रहीस। महिला अउ आरोपी प्रेमी के बीच पिछला पांच साल ले चक्कर चलत रहीस।
आरोपी नेमीचंद साहू ल संसो (शक) रहीस कि ओखर प्रेमिका ह कोनो अउ मनखे ले घलो गोठियाथे। 16 जनवरी के आरोपी ह अपन प्रेमिका ल मोटर सायकल म घुमाय के बहाना ले जंगल ले गीस। ओखरे बाद उहां मदिरा पान करीस अउ अपन प्रेमिका ले पूछताछ करे लागिस। जब प्रेमिका ह कोनो अउ ले गोठियाय बर मना करीस, त आरोपी ह ओला आजे के आज बिहाव करे बर घर चले बर कहिस। प्रेमिका के मना करे म दुनो के बीच झगरा हो गे। एखर बाद गुस्सा म आके आरोपी ह पहिली प्रेमिका के गला घोंट के बेहोश कर दीस अउ फेर पत्थर ले सिर ल कुचल के मार डारिस।
कलाई म लिखे ‘KL’ टैटू ले हुईस पहचान दो दिन पहिली डौंडीलोहारा थाना क्षेत्र के गुरामी डैम के तीर जंगल म एक हफ्ता पुरानी सड़ी-गली लाश मिली रहीस। महिला के भाई ह ओखर हाथ के कलाई म लिखे ‘KL’ टैटू ल देख के ओखर पहचान कमला राजपूत के रूप म करीस। पुलिस ह जांच के दौरान सबूत मन के आधार म प्रेमी नेमीचंद ल धर दबोचिस। पूछताछ म आरोपी ह अपन जुर्म कबूल कर लीस, जेखर बाद ओला जेल भेज दे गे हे।
का रहीस पूरा मामला? बालोद शहर के पाररास निवासी 35 साल के कमला राजपूत के बिहाव 10 साल पहिली दुर्ग म होय रहीस। फेर कुछे महिना बाद ओ ह अपन मइके आ गे रहीस अउ मजदूरी करत रहीस। उहें ओखर पहचान तरौद निवासी नेमीचंद साहू (29 साल) ले हुईस। हत्या करे के बाद आरोपी ह सबूत लुकाये बर कमला के मोबाइल ल दुर्ग म ले जाके टोर दीस अउ खुद डरे के मारे मजदूरी करे बर बाहिर चले गे रहीस। बालोद एसपी योगेश पटेल ह बताइन कि कॉल डिटेल अउ तकनीकी सबूत मन के मदद ले आरोपी ल गिरफ्तार करे गे हे।
