रायपुर डेंटल कॉलेज के डॉक्टर मन के हड़ताल: स्टाइपेंड अउ हॉस्टल सुविधा ल लेके आज ले प्रदर्शन

Dental College Strike : रायपुर। रायपुर के सरकारी डेंटल कॉलेज के डॉक्टर मन अपन मांग मन ल लेके गुरुवार ले तीन दिन के हड़ताल शुरू करे बर जावत हें। कॉलेज परिसर में पीजी स्टूडेंट अउ इंटर्न्स मन स्टाइपेंड में सुधार अउ हॉस्टल के सुविधा मन ल लेके प्रदर्शन करहीं।

ए मामला में डॉक्टर मन ह कॉलेज के प्रचार्य ल ज्ञापन घलो सउँप दे हें। छात्र मन के कहना हे कि ओमन के मांग ह बहुत दिन ले लटके हे, फेर अब तक कूनो ठोस कार्रवाई नई होय हे, जेकर सेती ओमन ल आंदोलन करे बर मजबूर होना पड़िस।

डॉक्टर मन के प्रमुख मांग मन ये हें:

• स्टाइपेंड में जेवन सुधार (Revision) होय हे, ओला मेडिकल पीजी स्टूडेंट मन के बरोबर पिछला तारीख (Backdate) ले लागू करे जाय।

• सरकारी मेडिकल कॉलेज बर शासन डाहर ले जारी होवइया कूनो भी नोटिस या फैसला ह सरकारी डेंटल कॉलेज में घलो अपन-आप लागू होना चाहिये।

• महिला पीजी स्टूडेंट मन बर हॉस्टल में जादा कमरा के जरूरत हे, या ओमन बर अलग ले पीजी गर्ल्स हॉस्टल दे जाय।

Dental College Strike, Stipend Revis