सीएम साय आज लेहिन हेल्पलाइन के शिकायत मन के समीक्षा, गरबा कार्यक्रम म घलो होही शामिल

CM Vishnu Deo Sai : रायपुर। छत्तीसगढ़ के मुख्यमंत्री विष्णुदेव साय आज कई ठन कार्यक्रम म शामिल होहिं। वो स्टेट कैपिटल रीजन के बैठक लेके सीएम हेल्पलाइन 1076 म आए शिकायत मन के समीक्षा करहिं। एकर बाद गुरु तेग बहादुर जी के 350वां शहीदी दिवस कार्यक्रम अउ रास गरबा म घलो शामिल होहिं।

रायगढ़ ले रायपुर बर होहीं रवाना

मुख्यमंत्री बिहान 9 बजे रायगढ़ ले रायपुर बर रवाना होहिं। दुपहर 12 बजे नवा रायपुर के सेक्टर-22 स्थित अटल नगर म भूमिपूजन करहिं। एखर बाद दुपहर 1 बजे मंत्रालय, महानदी भवन म स्टेट कैपिटल रीजन के बैठक लेहिं।

सीएम हेल्पलाइन के शिकायत मन के होही समीक्षा

दुपहर 2:45 बजे मुख्यमंत्री सीएम हेल्पलाइन 1076 के समीक्षा बैठक लेहिं। ए बैठक म प्रदेश के 33 जिला के कलेक्टर वीडियो कॉन्फ्रेंसिंग के माध्यम ले जुड़हीं। बैठक म शिकायत मन के निराकरण, शिकायत करेइया मन के संतुष्टि अउ जिला मन के कामकाज के समीक्षा होही।

9 जून 2026 ले शुरू होए ए हेल्पलाइन म शुरुआती चार महीना म करीब 2 लाख शिकायत दर्ज होय के जानकारी हे। मुख्यमंत्री अधिकारी मन ला शिकायत मन के सही अउ समय म निराकरण करे बर जरूरी निर्देश देहीं।

गुरु तेग बहादुर जी के शहीदी दिवस कार्यक्रम म होहीं शामिल

मुख्यमंत्री संझा 4:45 बजे हीरापुर के गुरु गोविंद सिंह पब्लिक स्कूल म गुरु तेग बहादुर जी के 350वां शहीदी दिवस कार्यक्रम म शामिल होहिं। एखर बाद संझा 6 बजे मुख्यमंत्री निवास पहुंचहीं। इहां रात 9 बजे तक होए वाला रास गरबा कार्यक्रम म घलो शामिल होहिं।