नक्सल सरेंडर के ऊपर कांग्रेस के सवाल

छत्तीसगढ़ मं नक्सल सरेंडर के मामला ले राजनीति गरमा गे हे। बस्तर इलाका मं बड़े पैमाना मं नक्सली संगठने अपन हथियार डारके सरकार के सामने सरेंडर करिन, फेर अब कांग्रेस एहीच बात मं सवाल उठावत हे।

कांग्रेस नेता दीपक बैज कहिन के सरकार कोनो साफ जानकारी नइ देत हवय के आखिर सरेंडर के पहिली  का कउन-कऊन बात होइस, कहां चर्चा होइस अऊ काबर अचानक नक्सल ऑपरेशन धीमा परगे। बैज त इहां तक कहिस के सरकार झीरम कांड जइसने दुबारा साजिश के तैयारी तो नइ करत?

बैज पूछिस —

का नक्सल संग चर्चा होइस?

समर्पित नक्सली मन के पूरा डिटेल काबर नइ बताय गीस?

नक्सल अभियान अचानक धीमा काबर होगे?

का जनता, पुलिस अऊ जवान मन के सुरक्षा ऊपर कोनो खतरा हवय?

कांग्रेस के कहना हे के जिन नक्सली मन सरेंडर करिन, उनकर असली पहचान अऊ पृष्टभूमि जनता के सामने लाय जाय, नाहीं त फेर से झीरम जइसने घटना हो सकथे।

दूसर तरफ BJP कांग्रेस ऊपर हमला करत कहिस के ओमन देश तोड़इय्या के संग खड़े हवंय अऊ प्रदेश मं नक्सल खत्म करे के प्रयास मं रोड़ा बनत हवंय। BJP बोलिस के सरकार नक्सलवाद मिटाय मं जोर दई रहिसे, फेर कांग्रेस बेबुनियाद आरोप लगावत देश के खिलाफ खड़े मनखे संग खड़े होवत हे।

बस्तर अऊ आसपास के इलाका मं नक्सलवाद अब्बड़ बड़ा मुद्दा रहिस। बड़े संख्या मं नक्सली सरेंडर करिन त सरकार एकर सफलता मानत हे, फेर कांग्रेस के आरोप ले फेर एक दफा सुरक्षा अऊ राजनीतिक साजिश के चर्चा सुरू हो गे हवय।