अमित बघेल के बयान ले बवाल

सिंधी समाज ला ‘पाकिस्तानी’ कहेबर मुंबई म FIR, छत्तीसगढ़ म गिरफ्तारी मांग

मुंबई के ठाणे मं अमित बघेल के खिलाफ सिंधी समाज के लोग मन FIR कराय हवंय। आरोप हे कि अमित बघेल ह हालही म एक कार्यक्रम मं सिंधी समाज के लोकमन ला ‘पाकिस्तानी’ कहे रहिस। ये बात सामने आइस के बाद सिंधी समाज मं जोरदार नाराजगी देखे ला मिलत हे।

ठाणे पुलिस ह मामला दर्ज कर ले हावय। इही बात ले छत्तीसगढ़ मं घलो विरोध बढ़ गे हवय अउ लोग मन अमित बघेल के गिरफ्तारी के मांग करत हवंय। समाजिक संगठन मन कहिथें कि एखर जइसन बयान ह समाज मं विभाजन अउ नफरत फैलाथे।

छत्तीसगढ़ मं सिंधी समाज ह मुख्यमंत्री अउ पुलिस प्रशासन ला आवेदन देके तुरत कार्रवाई करे बर कहे हावय। समाज ह कहे हे कि जउन आदमी समाजिक सौहार्द मं खलल डारथे, ओकर खिलाफ सख्त कदम उठाय जाना चाही।

मामला गरम होवत देख, राजनैतिक माहौल मं घलो हलचल बन गे हवय। अब सब्बो के नजर पुलिस की कारवाही ऊपर टिके हवय।