छत्तीसगढ़ स्थापना-दिवस मा रायपुर पहुंचिन PM मोदी:

छत्तीसगढ़ के स्थापना-दिवस के मौका मा प्रधानमंत्री नरेंद्र मोदी आज रायपुर पहुंचिन. दिल्ली ले रायपुर एयरोपोर्ट के पहुंचत ही उहाँ छत्तीसगढ़ के गौरव अलंकार तीजन बाई के हालचाल पूछिन अऊ उहाँ के सेहत के जानकारी लीं. देश-दुनिया मं पंडवानी ले अपन अलग पहचान बना चुकेन तीजन बाई के संग PM मोदी के मुलाकात चर्चा के बिसय बनगे.

एही कार्यक्रम के दौरान पीएम मोदी 2500 ले जियादा बच्चा मन संग ‘दिल के बात’ करिहीं. बच्चा मनगे राष्ट्र निर्माण, फिटनेस, पढ़ई-लिखई अऊ सपना पूरा करे के प्रेरणा देहीं.

इही संग मोदी नवा रायपुर मं बनत नवा विधानसभा भवन के लोकार्पण करिहीं. नवा भवन के संग छत्तीसगढ़ के प्रशासनिक व्यस्था अउ सुविधा मं नवा अध्याय सुरू होही.

ब्रह्मकुमारी संस्था के नवा भवन लगिस हावे, ओकरो पीएम मोदी उद्घाटन करिहीं. कार्यक्रम के दौरान सांस्कृतिक झांकी, आदिवासी संस्कृति के झलक अऊ युवा प्रतिभा मन के प्रदर्शन देखे ला मिलही.

रायपुर शहर मं सुरक्षा के कड़ा इंतजाम रखे गे हवय. PM मोदी करीब 6 घंटा रायपुर मं रहिहीं अऊ कई प्रमुख कार्यक्रम मं हिस्सा लेहीं.