रोहित 121 अउ विराट 74 ले टीम इंडिया ह जीते तीसरा वनडे”

तीसरा वनडे मं भारत अउ ऑस्ट्रेलिया के बीच जबरदस्त मुकाबला होइस। ऑस्ट्रेलिया ह पहिली बल्लेबाजी करत 236 रन बनाइस। येक बाद टीम इंडिया के बल्लेबाज रोहित शर्मा अउ विराट कोहली ह मैदान मं उतरिन अउ खेल के रुख ला ही बदल दिन। दूनो ह मिलके गजब के साझेदारी करत टीम ला 9 विकेट ले शानदार जीत दिलाइन।

रोहित शर्मा ह नाबाद 121 रन बनाइस, अउ विराट कोहली ह नाबाद 74 रन जोड़िस। दूनो के जोड़ी ह 168 रन के जबरदस्त पार्टनरशिप बनाइस। चौका-छक्का के बरसात ले पूरा मैदान मं जोश भर गिस। दर्शक मन ह भी खुसी मं झूम उठिन।

गेंदबाज मन ह भी बढ़िया प्रदर्शन करिन। शुरुवात मं जल्दी-जल्दी विकेट झटक के ऑस्ट्रेलिया के रन ला सीमित कर दिन। फील्डिंग मं टीम इंडिया ह अनुशासन दिखाइस। जब बल्लेबाजी के बारी आय, त रोहित अउ विराट ह बिना दबाव के खेल ला अपन ले लीन अउ ऑस्ट्रेलिया के हर उम्मीद ला तोड़ दिन।

ये जीत भारत बर सिरिफ एक मैच नइय, आत्मविश्वास के बड़ी वापसी आय। टीम इंडिया ह दिखा दिस के ओमन अभी घलो बड़े मुकाबला मं बाजी मार सकथें। रोहित-विराट के धमाकेदार पारी ह नवा खिलाडि मन बर घलो प्रेरणा बन गिस।