बिजली उपभोक्तामन के E-KYC बर हर गुरुवार लगही विशेष कैंप

Electricity E-KYC Chhattisgarh : रायपुर। राजधानी रायपुर मं बिजली कनेक्शन ला आधार ले जोड़ने के प्रक्रिया शुरू हो गे हे। बिजली उपभोक्तामन के E-KYC बर अब हर हफ्ता गुरुवार के दिन विशेष शिविर लगाय जाही।

उपभोक्ता मन शिविर मं पहुंच के अपन बिजली कनेक्शन के E-KYC करा सकहीं। एखर अलावा घर बइठे अपन मोबाइल के ‘मोर बिजली’ ऐप के माध्यम ले घलो E-KYC करे के सुविधा रहिही।

E-KYC के जरिए बिजली कनेक्शन के जानकारी ला आधार ले जोड़े जाही। एखर ले अवैध बिजली कनेक्शन अउ बिजली के फर्जीवाड़ा ऊपर लगाम कसई मं मदद मिलही।