छत्तीसगढ़ मा बड़े प्रशासनिक फेरबदल: 6 SAS अफसर मन के तबादला, 10 दिन मा ज्वाइनिंग
रायपुर। छत्तीसगढ़ शासन के सामान्य प्रशासन विभाग ह राज्य प्रशासनिक सेवा (SAS) के छह बड़े अफसर मन के तबादला अऊ नवा पदस्थापना के हुकुम जारी करे हे। ए फेरबदल मा नगर निगम, जिला पंचायत, मंत्रालय अऊ CGPSC जइसन बड़े-बड़े पद शामिल हे। अऊ जम्मो अफसर मन ला आदेश निकले के 10 दिन के भीतर नवा जगह मा ज्वाइन करे बर कहे गे हे।
-
देवनारायण कश्यप पहुँचे मंत्रालय: राप्रसे 2010 बैच के अफसर देवनारायण कश्यप ला अंबिकापुर नगर निगम आयुक्त के पद ले हटा के नगरीय प्रशासन अऊ विकास विभाग मा उप सचिव बनाए गे हे। अब वो हा मैदानी ड्यूटी के जगा मंत्रालय मा जिम्मेदारी सम्हालहीं।
-
नारायणपुर जिला पंचायत के कमान बदलाइस: कोण्डागांव के अपर कलेक्टर चित्रकांत चाली ठाकुर ला नारायणपुर जिला पंचायत के मुख्य कार्यपालन अधिकारी (CEO) बनाए गे हे। उहें नारायणपुर के CEO विनय कुमार अग्रवाल ला अंबिकापुर नगर निगम आयुक्त के जिम्मेदारी दीस हे।
-
CGPSC मा नवा परीक्षा नियंत्रक: बलौदाबाजार-भाटापारा के अपर कलेक्टर दिप्ती गौते ला छत्तीसगढ़ लोक सेवा आयोग (CGPSC), नवा रायपुर मा परीक्षा नियंत्रक बनाए गे हे। अब परीक्षा ले जुड़े जम्मो संवेदनसील काम ला वो हा देखहीं।
-
बेमेतरा के अपर कलेक्टर पहुँचिन मंत्रालय: बेमेतरा के अपर कलेक्टर गुड्डू लाल जगत ला श्रम विभाग मा उप सचिव बनाए गे हे। उनकरो तबादला मैदानी प्रशासन ले मंत्रालय मा हो गे हे।
-
ऋतु वर्मा के अतिरिक्त प्रभार खत्म: सामान्य प्रशासन विभाग मा उप सचिव डॉ. ऋतु वर्मा तीर CGPSC परीक्षा नियंत्रक के अतिरिक्त प्रभार रिहिस। नवा आदेश मा ओमन ला ए जिम्मेदारी ले मुकत कर दे गे हे।
-
10 दिन मा ज्वाइनिंग जरूरी: GAD ह जम्मो अफसर मन ला आदेश जारी हुए के 10 दिन के भितरी नवा जगा मा जाके पदभार सम्हाले बर कहे हे। तबादला के बाद ज्वाइनिंग मा ढिलाई के कोई गुंजाइश नई राखे गे हे।
