एटीएम ले मिलही चाऊँर: रायपुर समेत 3 शहर मा सुरू होइस ‘ग्रेन एटीएम’, दूसर राज्य के लोगन घलो उठा सकहीं फायदा
ग्रेन एटीएम छत्तीसगढ़ : रायपुर: छत्तीसगढ़ मा सार्वजनिक वितरण प्रणाली (पीडीएस) ला आधुनिक बनाये बर आज एक ठन बड़े कदम उठाय गे हे। अब लोगन ला राशन के दुकान मा लंबी लाइन लगाये ले छुटकारा मिलही। खाद्य मंत्री दयालदास बघेल ह आज राजधानी रायपुर समेत 3 शहर मा ‘ग्रेन एटीएम’ के ऑनलाइन शुभारंभ करिन।
मंत्री बघेल ह बतैन कि छत्तीसगढ़ मा पहली बेर ग्रेन एटीएम के व्यवस्था करे गे हे। रायपुर, बिलासपुर अउ दुर्ग ले एकर शुरुआत करे गे हे। छत्तीसगढ़ अब देश के पांचवां अइसन राज्य बन गे हे, जिहाँ एटीएम ले चाऊँर निकाले जाही। छत्तीसगढ़ के संग-संग दूसर राज्य जइसे उत्तराखंड, ओडिशा अउ यूपी के राशन कार्डधारी घलो ए एटीएम के इस्तेमाल कर सकत हैं।
उहें बताइन कि 24 घंटा चले वाले ए ग्रेन एटीएम के सुरक्षा बर कड़ा इंतजाम करे गे हे। सीसीटीवी कैमरा के संग सबो एटीएम मा गार्ड घलो मौजूद रहिहीं। ए मशीन के क्षमता 2500 किलोग्राम हे अउ एमा चाऊँर के लोडिंग घलो ऑटोमेटिक होही। लंबी लाइन ले छुटकारा मिले के संग-संग हितग्राही मन अपन सुविधा अउ समय के हिसाब ले कभो घलो चाऊँर निकाल सकिहीं।
The post एटीएम ले मिलही चाऊँर: रायपुर समेत 3 शहर मा सुरू होइस ‘ग्रेन एटीएम’, दूसर राज्य के लोगन घलो उठा सकहीं फायदा appeared first on OneChhattisgarh.Com.
Source: One Chhattisgarh
